Já sumsé:

Vesenast í Loka Laufeyjarsyni.
Læra á hlöðunni.
Fara í bankann með helv...skattaendurgreiðsluna sem er pottþétt útrunnin.
Drekka hjá fokkin Jóni Eðvaldi í Hafnarfirði.
Unaðsstund með Önundi Páli Ragnarssyni.

Eftirfarandi hef ég nú þegar gert: Vesenast í Loka Laufeyjarsyni. Vesenið fólst einkum í því að læsast inni á klósetti Framtíðarinnar. Eftir örvæntingarfullar barsmíðar rann Jóhann loks á hljóðið og kallaði til nokkra fíleflda karlmenn sem spörkuðu niður hurðinni. Vandinn núna er hvernig á að redda nýrri læsingu og flísum í vegginn áður en Portnerinn kemst að þessu. Birgir kom með þá hugmynd að fjarlægja klósettið, segja að því hefði verið stolið og fá nýtt út úr tryggingum. Málið er enn óútrætt. Klukkan þrjú er svo meira vesen framundan þegar vesslingur mætir á skrifstofuna til myndatöku.

Nú. Ég má ekki vera timbruð á morgun því þá get ég hvorki mætt tímanlega á bókhlöðuna né gengið á Esjuna til að hækka leikfimieinkunn. Bölið er að mér býðst fríkeypis áfengi í mj.svo góðra vina hópi fram e.nóttu. Hvað skal gera? Vera ung í smá stund með vitleysingunum eða vera ábyrg með háskólamanninum og eigin samvisku?

Rúnar tölvufræðikennari tilkynnti f.stundu að stofan verði upptekin e.örstutta stund. Um þessar mundir eru nefnilega kennarar Menntaskólans teknir í kerfisbundna tölvukennslu, svo þeir ráði við þennan stórkostlega vesslóbúnað sem komið hefur verið upp í öllum kennslustofum. Latínuskólinn nútímavæðist. Reyndar kann ég ágætlega við þetta fyrirkomulag. Örugglega hollt f.náttúruna.

Jæja, þá er að hefjast handa v.vesenið.