Í dag var það Ásta Ragnheiður Ásta sem keypti atkvæði MR-inga. Ef ekki væri f.spurningaflóð Grétars Amezeen hefðum við ekkert fengið að vita um hugðarefni Ástu og sonar, annað en að þau ásamt kosningastjóra voru öll Emmerringar, kennararnir urðu stundum fullir og fyrst veðrið er svona gott höfum við ekkert annað að gera en kjósa og fá kökur. Mér fannst hún þó ögn skárri en Jakob, sem sagði einmitt að það skipti ekki máli hvort við hefðum áhuga á þessu ekki, við þyrftum ekkert að vera lengi á listanum eða láta neinn vita af því. Þau virðast hafa fundið réttu leiðina til að ná til okkar barnanna; trúbadorar, fylleríissögur og kökuboð.

Ég þarf þó ekki að velta mér upp úr þessu, verandi pólitískur örviti og ekki með kosningarétt.