Þá hafa Íslendingar kosið yfir sig enn einn ósómann til að skíttapa í júróvisjón. Ég tel að ástæður fyrir sigri þessa hörmungarlags séu eftirfarandi:

1.Birgitta Haukdal er vinsælasta markaðsvaran um þessar mundir.

2.Lagahöfundur er lærður markaðsfræðingur frá Harvard.

Sterkur leikur hjá sniðugum skriffinn að næla í Birgittu til að syngja annars fyrirsjáanlegt, ófrumlegt, leiðinlegt, klént og vont lag. Kannski geta fingrabendingar hjólbeinóttu fótboltastelpunnar skilað laginu eitthvað áfram, en Íslendingar eiga það varla skilið fyrir að kjósa yfir sig sama ruglið ár eftir ár.

Misskilningur kvöldsins:
Við bjóðum ykkur öll velkomin þið sem sitjið hér í salnum að ógleymdum þeim HUNDRUÐUM ÞÚSUNDA sem fylgjast með í sjónvarpinu.
-Logi Bergmann Eiðsson