Draugar fortíðar

Fyrir tilviljun fór ég inn á arkívin á síðunni minni í vinnunni núna áðan, í leit að tiltekinni færslu. Þá sá ég mér til óvæntrar ánægju að öll gömlu kommentin voru skyndilega komin aftur. Ég hef lengi verið í fýlu yfir því að Haloscan hendi alltaf út kommentum þegar þau eru orðin nokkurra mánaða gömul, en núna eru sem sagt öll 2004 kommentin allt í einu snúin aftur. Verið getur að hin séu komin líka, og væri það mikill fengur, en ég hef bara ekki komist lengra en þetta því ég gleymdi mér algjörlega í gömlum umræðum kommentakerfisins og ræð mér varla fyrir kæti. Snilld, snilld, snilld.